Politiko pri privateco

Lasta ĝisdatigo: 2025-04-20 (Geniee)

Ĉi tiu politiko de privateco priskribas tion, kiel la servoj ĉe la retejoj pronouns.page, pronomejo.net kaj aliaj subdomajnoj kaj domajnoj administras oniajn personajn datumojn. La servoj estas funkciigataj de la kolektivo «Konsilio pri Neŭtrala Lingvo» kaj de Nero Network (NL, KVK 88409120), kiuj kontakteblas per la retpoŝtadreso: [email protected].

Ni penas certiĝi, ke ni konservas oniajn datumojn sekure, kaj ke neniu ne-publika datumo estu kaptita aŭ transigita al iu ajn ekstera persono aŭ servo, krom de la fidindaj servoj priskribitaj ĉi-sube.

Krom la datumoj, kiujn oni eksplicite afiŝas ĉe la servoj kiel enhavon, aŭ eksplicite kunhavigata kun ni (ekz. atingoĵetonojn OAuth), neniuj aldonaj privataj datumoj ligitaj al onia konto estas konservataj aŭ pritraktataj de la servoj.

Uzanto rajtas redakti aŭ forigi la afiŝitan de si enhavon.

Ni konservas retpoŝtadreson de uzantoj, kiuj retmesaĝis nin, por sendi aldonajn demandojn.

Ni uzas nur niajn kuketojn kaj lokan memoron por ne elsalutigi uzantojn kaj por konservi ties preferojn.

Ni uzas Plausible por analizi trafikon ĉe la retejo. Tiaj datumoj ne enhavas uzantonomojnkaj IP-adresoj estas anonimigitaj. La politiko pri privateco de Plausible legeblas ĉi tie (en la angla).

Ni uzas Cloudflare Turnstile por elfiltri robotojn kaj preventi atakojn. La politiko de privateco de Cloudflare Turnstile legeblas ĉi tie (en la angla).

Ni uzas Sentry por monitori erarojn kaj problemojn pri rendimento. La transigitaj datumoj ne rilatas al onia uzantonomo (krom se la vizitita retadreso enhavas ĝin) kaj onia IP-adreso ne estas konservata.

Protokoloj kaj savkopioj restas konservataj por maksimume 18 monatojn.

Oniaj personaj datumoj estas protektataj de la ĜDPR (Ĝenerala Datum-Protekta Regularo), kiu donas al uzantoj la rajton vidi, korekti, ĝisdatigi kaj forigi la konservatajn datumojn rilatan al ili.