Uzkondiĉoj
Lasta ĝisdatigo: 2023-03-06 (explicit mention of ableism)
Ĉi tiuj uzkondiĉoj reguligas onian aliron kaj uzadon de la servoj provizitaj de la retejoj pronouns.page, pronomejo.net kaj aliaj subdomajnoj kaj domajnoj funkciigitaj de la kolektivo «Konsilio pri Neŭtrala Lingvo» kaj de Nero Network (NL, KVK 88409120), kiuj kontakteblas per la retpoŝtadreso: [email protected].
Uzante la servojn oni konsentas al niaj uzkondiĉoj kaj al tio, ke ni kolektas kaj pritraktas oniajn datumojn kongrue kun la politiko pri privateco.
Uzantoj kaj kontoj
Oni ne rajtas krei konton, se tio estas malpermesita laŭ la leĝaro de onia jurisdikcio. Oni ne rajtas krei konton, se oni aĝas malpli ol 13 jarojn. Persono aĝanta malpli ol 16 jarojn bezonas konsenton de sia gepatro aŭ kuratoro.
Kreinte konton oni respondecas pri sekureco de la aŭtentiga metodo uzata por ensaluti (tio estas: pasvorto de onia retpoŝtadreso kaj/aŭ socia retejo). Oni konsentas ne malkaŝi ĝin al aliaj personoj/servoj. Oni devas tuj informi nin, se oni eksciis pri iu ajn sekureca rompo aŭ neaŭtorigita uzo de sia konto.
Ni povas, sen atentigo aŭ sen respondeco, por iu ajn kialo kaj eĉ sen limigoj tuj forigi aŭ suspendi konton de uzanto malobeinta la uzkondiĉojn.
Kontoj sen iuj ajn kartoj kaj sen aktiveco foriĝas post 30 tagoj kaj ties uzantonomoj estas tiam denove uzeblaj.
Enhavo
La enhavo afiŝata ĉi tie apartenas al la afiŝanto. Afiŝante enhavon oni donas al ni tutmondan, sentantieman permeson iel ajn uzi, kopii, reprodukti, pritrakti, adapti, modifi, publikigi, dissendi, vidigi kaj distribui ĝin.
Ni ne apogas nek certigas verecon aŭ sekurecon de enhavo afiŝata de uzantoj de la servoj, percipe de ligiloj al eksteraj retejoj.
Oni ne rajtas afiŝi ĉi tie iu ajn enhavon kontraŭleĝan aŭ malkongruantan al sociaj normoj. Tio inkluzivas, sed ne limiĝas je: propagado de totalitarismaj reĝimoj, malamparolo, rasismo, ksenofobio, homofobio, transfobio, neduumul-fobio, kvirfobio, kvira ekskluzivemo, seksismo, mizogineco, kapablismo, molestado, identoprunto, instigo al sindamaĝo kaj/aŭ sinmortigo, infana pornografio, vastasence komprenata apogo de pedofilio, kontraŭleĝa konduto, misinformado, kunhavigo de personaj datumoj de aliulo, spamado, trolado, reklamado, malrespekto de kopirajto aŭ varmarko. Ni rezervas al ni la rajton interpreti kiel malamparolo okazojn de neklara, kaŝita malamparolo (ekz. postulojn «ne interagi» (DNI) pro onia kvira identeco, uzadon de «hundfajfilaj» terminoj kiel «superstraight» (supermalgeja) aŭ «semibisexual» (duonambaŭseksema) ktp.).
Uzanto respondecas por sia tuta enhavo afiŝita ĉi tie. El malobeo de la uzkondiĉoj rezultas senatentiga forigo de onia enhavo kaj povas rezulti nuligo de onia permeso uzi la servojn. Se iu malobeas la leĝon, ni transdonos ties informojn al policaj agentejoj.
Ĝeneralaĵoj
Aplikeblas la leĝaro de la Reĝlando de Nederlando.
Ni rezervas al ni la rajton iam ajn modifi ĉi tiujn uzkondiĉojn. Okaze de ŝanĝo, ni atentigos pri ĝi 30 tagojn antaŭ la nova versio de la uzkondiĝoj ekvalidos.